التسجيل التعليمـــات قائمة الأعضاء التقويم البحث مشاركات اليوم اجعل كافة الأقسام مقروءة

قسم الحلويات قسم مخصص للحلويات التقليدية والعصرية المتنوعة و الجديدة

بقلاوة بالتفضـيل الممـل مـن مطبـخ شمس

بقلاوة بالتفضـيل الممـل مـن مطبـخ شمس صباح/مساء الخير وقت ما قريتو موضوعي بمناسبة عيد الفطر المبارك نقلكم صحى عيدكم وكل عام وانتوما بخير

إضافة رد
 
أدوات الموضوع إبحث في الموضوع انواع عرض الموضوع
قديم 07-19-2015, 09:00 AM #1
samira tv
عضو جديد
 
تاريخ التسجيل: Jul 2015
المشاركات: 484
بقلاوة بالتفضـيل الممـل مـن مطبـخ شمس

صباح/مساء الخير وقت ما قريتو موضوعي
بمناسبة عيد الفطر المبارك نقلكم صحى عيدكم وكل عام وانتوما بخير


بقلاوة بالتفضـيل الممـل مـن مطبـخ شمس do.php?img=66699


تعيدو بالصحة والهنا يا ربي وتقبل منكم صالح الاعمال


اليوم جبتلكم بقلاوة بعجينة الفيلو
درتها في العيد وكانت اول تجربة ليا فيها وخرجة هايلة وانبهرت فيها لاني كنت خايفة ما تصلحليش وتروح نعمت ربي خسارة
وكي صلحت قلت
نحطهالكم تستفادو منها وتجربوها
خاصة المبتدئات كيفي


نبداو بالمقادير


العجينة

اربع كيلات فرينة انا كيلت ب باط الزبدة تاع 500 غ
نص كيلة سمن ولا زبدة
رشة ملح
ماء وماء الزهر


الحشوة
ثلاث كيلات كوكاو محمص ومدشش
نص كيلة سكر عادي
فاني
وانا زدت منكه نتاع اللوز
العسل باش نسقيوها في الاخير مخلط معى ماء الزهر
والنشاء للتوريق لانو البقلاوة هاذي مش بالسمن راح نستعملو النشاء التوريق وهيا طريقة افضل من السمن اقتصادية وساهلة

نبداو معى الطريقة
خلطي الفرينة والسمن يكون بارد
[/CENTER]



بسسي الفرينة و امحريها مليح بيدك باش يدخل السمن فيها و يروحو منها الكراكب






زيديلها الملح رشة خفيفة باش ما تجيس مسوس
خلطي ماء الزهر معى الماء وابداي اعجني حتى تولي عجينة طرية



اقسميها ل سبع 07 كريا علابالي راح تقولو علاه سبعة ضركا نقلكم
ست 06 كريات متساويين نتاع الطبقات اما الكرية السابعة تكون صغيرة باش نشكلو بيها الوردات ولا ****اجة الي نزينو بيها

شفتو الكرية الي في الدائرة هيا الصغيرة الي راح نزين بيها


بقلاوة بالتفضـيل الممـل مـن مطبـخ شمس do.php?img=66703




حطيهم في ساشي وخلي العجينة ترتاح قد ما رتاحت قد ما راح تخرجلك هايلة وتمشيلك


هذبقلاوة بالتفضـيل الممـل مـن مطبـخ شمس do.php?img=66704



كملنا العجينة نروحو للحشوة نفضل انو تخلي ما تخدميهاش حتان تبداي تحلي في العجينة لخاطر تيبسلك
الكوكاو ديريلو الفاني والسكر والمنكه




بعدها اعجنيه شوي مش ياسر مش حتان تتعجن لالا خليها تتفرتت شوي لخاطر من بعد تسقيها راهي تحكم روحها



بقلاوة بالتفضـيل الممـل مـن مطبـخ شمس do.php?img=66706

نرجعو للعجينة انا استعملت المشينة عاونتني شوي
افتحي الكرة الاولى بالطول بعدها نمشيها في المشينة في الرقم 04



بقلاوة بالتفضـيل الممـل مـن مطبـخ شمس do.php?img=66708



نمسحها بالنشاء ونطبقها



بقلاوة بالتفضـيل الممـل مـن مطبـخ شمس do.php?img=66707



ونبدا نحل فيها بالعرض حتان تولي قد البلاطو
الي راح تخدمي بيه وما تخافوش من العجينة كي تعودو تحلو فيها راهي ما تتقطعش كل ما حليتوها تتكسل





بقلاوة بالتفضـيل الممـل مـن مطبـخ شمس do.php?img=66709


انا استعملت البلاطو تاع الكوشة




افتحي ثلاث كريات الاولين كما قتلك كل وحدة طبقيها على زوج وديري وسطها النشا باش تولي مورقة ادهني البلاطو بالسمن ولا الزبدة
فرشي الطبقة الاولى امسحيها من فوق بالنشا




ديري الطبقة الثانية وامسحي بالنشاء وزيدي الثالثة وبما انهم مطبقين ولاو عندنا ست طبقات
انا درت كل وحدة وحدها كي عادت اول تجربة كاين لي يفتحوهم معى بعض مرة وحدة
وكما قتلك مابين الطبقات امسحي بالنشا باش تجي مورقة
فرشي الحشوة ومشيها مليح بيدك ورصيها زيدي




كملي باقي طبقات العجينة
كملنا الطبقات نروحو للكرية الصغيرة السابعة حليها مليح وطبعي الشكل الي راح تزيني بيه انا درت شكل ****اجة




اقسمي العجينة كما تحبي مربعات ولا معينات والمربعات اسهل





كل مربع ارشقي فيه ****اجة وحبة كوكاو




ذوبي شوية سمن وامسحي من فوق الحبات





حطيها طيب انا حكمتلي 50دقيقة في الكوشة العادية نتاع الغاز مش لفور نتاع التريسيتي
ومن بعد حمريها من فوق تدي الون الذهبي فقط ما تخلوهاش تتحرق


ملاحظة
نسيت ما قلتلكمش العجينة على الحواشي دخليها لداخل انا المرة الاولى ما كنتش عارفةخليتها على برا ومن بعد شفت في
فيديو نتاع قناة سميرة فارس جيدي حكم العجينة نتاع الحواشي ودخالها لداخل بالموس وقال باش ما تتحرقش درت كيفو

وهيا سخونة جيبيباط عسل صغير نتاع المرجان وزيديلو ماء الزهر واسقيها مليح راهي من بعد تنشف وخلي لعسل شوية ثقيل

هنا كي خرجتها وسقيتها





ولغدوة راح تلقايها نشفت قطعيها وبالصحة والهنا


هنا لغدوة كي قطعتها
وحطيتها في الكيسات




هاذي اول حبة لاول وحدة تحط رد




وهذا سحن للباقي اقسمو معى بعضاكم






وهاذي سينية القهوة باسم الله


بقلاوة بالتفضـيل الممـل مـن مطبـخ شمس do.php?img=66721

وكاقتراح زينيها بالبريون راح تخرج كي نتاع الاعراس وبالصحة والهنا

ان شاء الله تجربوها وتعجبكم راه ذوقها خيرمن تاع برا بشي بعيد ونضيفة وبنينة


سلااااااااااااااااااااام



بقلاوة بالتفضـيل الممـل مـن مطبـخ شمس do.php?img=66722


التعديل الأخير تم بواسطة imadzzz ; 07-19-2015 الساعة 11:15 AM
  • samira tv غير متواجد حالياً
  • رد مع اقتباس
إضافة رد

« الموضوع السابق | الموضوع التالي »

الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع إبحث في الموضوع
إبحث في الموضوع:

البحث المتقدم
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع


الساعة الآن 06:30 AM


.Powered by vBulletin® Copyright ©2000 - 2017, Jelsoft Enterprises Ltd
منتدى الشروق الجزائري