التسجيل التعليمـــات قائمة الأعضاء التقويم البحث مشاركات اليوم اجعل كافة الأقسام مقروءة

أروع كعك نقاش ذقتوه

السلام1 صباح الخير عليكم عسولاتي الحلوين وأخيرا وصلت الحلقة الأخيرة نتاع المسلسل التركي " النقاش في العيد أو لا أحد " هههههههههههههه كي عدتوا تحبوا السرقة راني جبتلكم

إضافة رد
 
أدوات الموضوع إبحث في الموضوع انواع عرض الموضوع
قديم 10-05-2013, 10:58 AM #1
asma
 
تاريخ التسجيل: Aug 2013
المشاركات: 464


أروع كعك نقاش ذقتوه

أروع كعك نقاش ذقتوه

أروع كعك نقاش ذقتوه

السلام1

صباح الخير عليكم عسولاتي الحلوين أروع كعك نقاش ذقتوه 19320250-emoticone-d

وأخيرا وصلت الحلقة الأخيرة نتاع المسلسل التركي " كعك النقاش في العيد أو لا أحد " هههههههههههههه أروع كعك نقاش ذقتوه 15194121-emoticon-av

كي عدتوا تحبوا السرقة راني جبتلكم الوصفة نتاع خالتي نتاع كعك النقاش أروع كعك نقاش ذقتوه 19553518-emoticone-s، كي جربوه تعرفوا باللي عمركم لاكليتو كعك النقاش قبل اليوم حتى اللي مايحبوش كيما انا يهبل عليه أروع كعك نقاش ذقتوه 12793108-lapin-emoti.

هاهي الوصفة نتاع كعك النقاش نتاع خالتي اللي انتظرتوها طويييييييييييييييييييييييييييلا . تبعوا معايا احم احم زعمة مدام بو حامد هههههههههه :


- مقادير العجينة :

* 500غ مارغارين فلوريال تكون طرية ممكن أي نوع آخر بصح أنا وخالتي نخدموا غير بيها ريحتها مليحة والقاطو بيها يجي مبسس
* 135غ سكر رطب
* فانيلا
* 4 صفار بيض + 1 بيضة كاملة ( وتنقص وحدة بيضة نقتلها راني نشوف فيكم أروع كعك نقاش ذقتوه 6979040-pirate-emoti )
* 1 خميرة
* 135غ نشاء
* نلموا العجين بالفرينة ( أنا استعلمت حوالي 650غ بالتقريب )

- مقادير الحشو :

* حوالي 250غ غرس
* 1 ملعقة كبيرة نتاع حلوة الترك ( اختياري اللي مايحبش مايحطش )
* 1 ملعقة كبيرة نتاع جلجلانية حب
*1 ملعقة كبيرة جلجلانية مرحية
* 2 ملعقة كبيرة زيت
* 1 ملعقة كبيرة ماء زهر

- للتزيين :

* سكر ناعم للتزيين

- الكيفية :

1- نبدى نخفق الزبدة اللي تكون طرية مع السكر الناعم والفانيلا (ماشي شرط نخفق بزاف غير تمتزج المكونات خلاص ).

أروع كعك نقاش ذقتوه HOMlZ.jpg

2- نبدى نضيف في البيضات وحدة وحدة ونخفق .

أروع كعك نقاش ذقتوه Yy4r0.jpg

3- نزيد النشاء المغربل ونخفق شوية برك .

أروع كعك نقاش ذقتوه 1ALG8.jpg

4- نضيف الخميرة والفرينة المغربلة ونخفق بالشوية ونضيف الفرينة حتى تتلم عندنا العجين . ماتنشفوهاش بزاف من بعد تشققلكم لازم تزيدوا الفرينة غير بالشوية حتى تتحصلوا على عجينة كيما نتاع لصابلي ماتلصقش في اليد كي تكوروها وتقدروا تشكلو منها سوار كيما هذا :

أروع كعك نقاش ذقتوه k2rBz.jpg

راهي تعطيكم كمية لاباس بيها :19: خليت العجينة تريح غير شوية برك ونخدم بيها غطيتها بكيس بلاستيكي باش ماتنشفش .

أروع كعك نقاش ذقتوه iJmxx.jpg

5- عجنت الغرس مع الزيت وماء الزهر حتى رجع طري وزدتلو الجلجلانية اللي رحيتها مع حلوة الترك + الجلجلانية حب وعجنتو مليح ( إذا شفتوه مازال يابس زيدولو الزيت ماشي ماء الزهر ).

أروع كعك نقاش ذقتوه uAS28.jpg
أروع كعك نقاش ذقتوه BydK8.jpg

6- فوق كيس بلاستيكي وزنت حوالي 6-7غ لكل كرية غرس وشكلت حرابش وغطيتهم باش مايشفش الغرس ، هكذا من بعد كي تبداو تخدموا ماشي تبقاو تخلطو تمسو الغرس ومن بعد العجين ، يكون الغرس واجد مسبقا خير .
الحرابش يكونو رقاق ماشي خشان باش كي تنقشوا مايخرجش الغرس وحتى في الكعم النقاش يكون خفيف ماشي ثقيل وحلو بزاف .

أروع كعك نقاش ذقتوه 3P6mH.jpg

7- وزنت كريات العجين باش يجيو الحبات قد بعضاهم وخليتهم في كيس بلاستيكي باش ماينشفش العجين (35غ للحبة إذا حبيتوها شوية كبيرة كيما نتاعي واللي تحب تنقص تقدر ).

8- نأخذ كرية نتاع عجين نشكلها حربوش وندي ونجيب مليح العجين باش تتلم وماتشققش ونشكل كيما الصورة ونغلق مليح :

أروع كعك نقاش ذقتوه jd0ec.jpg

أروع كعك نقاش ذقتوه 12WTZ.jpg

9- باش العجينة تبقى ملساء وماتشققش على الجوانب كي ندوروها وفي نفس الوقت تلصق بسهولة وجي متساوية ومتحوفة من كل الجوانب نقصوا الأطراف بالسكين كيما الصورة :

أروع كعك نقاش ذقتوه a270f.jpg

10- ونجمع العجين كيما الصورة ، راهي العجين طرية أجمعوها مليح وحاولوا تخفيو أثر الجريمة ههههههه :

أروع كعك نقاش ذقتوه kZxnp.jpg

11- الآن أبداو أنقشوا من تحت الدور كامل بشكل مائل ميلوا مليح باش يجي باهي ثم أنقشوا من فوق بشكل مائل في الاتجاه المعاكس .
حاولوا تنقشوا فوق المكان اللي لصقتوا فيها الحربوش باش تخفيو الأثر :

أروع كعك نقاش ذقتوه u2E1n.jpg

أروع كعك نقاش ذقتوه x1Gey.jpg

أروع كعك نقاش ذقتوه NcRdK.jpg

12- ضرك نجيو للطياب : تسخنوا الفرن مليح على درجة 180° ومن بعد تحطوا النقاش يطيب في الرف العلوي باش مايتحرقش ويطيب براحتوا مليح من داخل ، راهوا مايطولش ( حوالي 20د ) كي تشوفوه رجع بلون برتقالي فاتح من تحت نحيوه راهو يطيب كيما الغريبية مايطولش ومانحمروهش :

أروع كعك نقاش ذقتوه x81KO.jpg

أروع كعك نقاش ذقتوه HFGp0.jpg

13- كي يطيب ماتمسوهش خليوه يبرد في راحتو راهو مبسس مممممممممممممممم كي تذوقوه تفهموا يم يم روووعة [IMG]أروع كعك نقاش ذقتوه 6867958-usb-une-emot[/IMG] .

نجيو للتزيين :
باش ما تفسدوس السكر ديرو في صحن صغير وحطو بالحبة ورشوا شوية سكر ناعم خفيف خفيف للتزيين برك ومن بعد ترجعوا تغربلو هذاك السكر اللي في الصحن وتستعملوه عادي .
حطوه في كيسات وخبيوه في علبة محكمة الإغلاق وماتنساوش كل ماتاكلوه وتتبننوا تدعيولي أروع كعك نقاش ذقتوه 12793109-bave-emotic .
خلاص هاهو واجد "نقوشي " حبيبي أروع كعك نقاش ذقتوه 20451037-emoticone-e :

أروع كعك نقاش ذقتوه YEEiB.jpg

من الفرحة نصور ونعاود أروع كعك نقاش ذقتوه 9681185-emoticone-pr
أروع كعك نقاش ذقتوه 68Dfr.jpg
أتفضلوا راهو مبسس يذوب في الفم على بالي هذا كامل ومانعرف لا يكفي أروع كعك نقاش ذقتوه 9068397-emoticone-do
أروع كعك نقاش ذقتوه xrzce.jpg


* ملاحظة : هذي الكمية أعطاتني 50 حبة لأنو الحبات شوية كبار وثاني لأنو الشكل نتاع السوار مايزكاش لو ديروه مقروظات أو سيقار يعطيكم 100حبة بصح أنا نحب شكل السوار باهي وزيد الغرس يبقى محمي داخل العجين ماييبسش.
  • asma غير متواجد حالياً
  • رد مع اقتباس
إضافة رد

« الموضوع السابق | الموضوع التالي »

الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع إبحث في الموضوع
إبحث في الموضوع:

البحث المتقدم
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

المواضيع المتشابهه
الموضوع كاتب الموضوع المنتدى مشاركات آخر مشاركة
أروع تارت بالتمر(الغرس) جربوه رائع asma مطبخ الشروق الجزائري 3 05-22-2016 06:41 PM


الساعة الآن 10:07 AM


.Powered by vBulletin® Copyright ©2000 - 2017, Jelsoft Enterprises Ltd
منتدى الشروق الجزائري