منتدى الشروق الجزائري

منتدى الشروق الجزائري (http://www.chourok.net/vb/index.php)
-   قسم المقبلات و السلطات و الشوربات (http://www.chourok.net/vb/forumdisplay.php?f=230)
-   -   هريسة وطرشي ومخللات للعيد الكبير بحول الله (http://www.chourok.net/vb/showthread.php?t=59341)

samira tv 09-08-2015 06:50 PM

هريسة وطرشي ومخللات للعيد الكبير بحول الله
 
السلام عليكم ورحمة الله وبركاته

موضوعنا اليوم هو عن الهريسة والمخللات انا دايما نحضرهم للعيد الكبير
نحب نزين بيهم طاولتي لانو منظرهم جميل والوانهم اجمل وزيدفيهم
قروصة بنينة مع اللحم

1/هريسة الفلفل الاخضر
احنا نسموه المرذوخ لانو قبل كا نو يهرسوه بالمهراس يعني يرذخوه ههههههه
كاين لي يسميه الفجوخ المهم هو بنين خاصة لي يحب الحرور

كمية من الفلفل الاخضر نغسلها ونشفما ونقطعها وننزع البذور ونرحيها انا استعملت
الرحاية اليدويةونحطها في كسكاس ونضيف ليها شوي ملح باش يسهل من التخلص
من الماء لي في الفلفل انا عملتها في الليل
وفي الصباح نضيف للفلفل الملح والثوم مهرس او مرحي

http://im62.gulfup.com/hO7W0V.jpg

ونفرغها في بلارة ونعمرها بالزيت حتى يتغطى الفلفل

http://im62.gulfup.com/c079v6.jpg

ونغلق عليها جيدا

http://im62.gulfup.com/E9rQgU.jpg

كي يتبدل لون الفلفل نعرفها انها جاهزة للاكل

2/طرشي الطماطم والفلفل

نخير حبات طماطم حمراء ومليحة نغسلها ونقطعها مكعبات صغيرة ونحطها في كسكاس
ونضيف ليها الملح ونخليها تستقطر

http://im62.gulfup.com/CrwT3H.jpg


وفي الصباح نضيف ليها ملح وثو م مرحي وزيتون اسود مغسول ومنشف فلفل حار
الا ماكلنش هذا النوع تاع الفلفل استعملي العادي قطعيه مربعات صغار ونخلط كلش
مع بعض ونفرغ في بلارة زجاج ونضيف الزيت حتى تتعمر

http://im62.gulfup.com/Nr8MvW.jpg

http://im62.gulfup.com/AqA5bs.jpg

3/خضار مخللة
الكمية حسب الرغبة جزر مقطع قطع صغيرة وشيفلور مقطع قطع صغيرة وفلفل حلو
مقطع وخيار بقشورو مقطع نخلطهم مع بعض ونحطهم في اناء ونضيف ليهم الخليط
كل كاس ماء ربع كاس خل ومغرفة كبيرة ملح نسخن الماء ونضيف الملح ونخلط حتى
يذوب ونضيف الخل ونخلط ونضيف الخليط على الخضار ونغلق جيدا وما نفتحش عليها
حتى يتغير لونها يعني راي جاهزة
لكن انا هاذ المرة استعملت ماء الزيتون كان عندي بدون زيتون استعملت الماء تاعو
للمخللات

هاذي المخللات

http://im62.gulfup.com/pHoq64.jpg

وهاذي اضفت ليها الفلفل الحار

http://im62.gulfup.com/scibfZ.jpg

وهنا صورة جماعية شوفو ما احلاهم

http://im62.gulfup.com/5zI8Xr.jpg

مازال عندي انواع اخرى الا عملتهم باذن الله نحطهم هنا في نفس الموضوع


الساعة الآن 02:11 PM

.Powered by vBulletin® Copyright ©2000 - 2018, Jelsoft Enterprises Ltd
منتدى الشروق الجزائري